Gutun Zuria Bilbao. Letren Nazioarteko Jaialdiaren edizio berria 2022ko martxoaren 28, 29, 30 eta 31n eta apirilaren 1 eta 2an izango da, “Itzuliz usu mundua / Todo mundo es traducción / Lost and Found in Translation” izenburupean. Anjel Lertxundi idazlearen “Itzuliz usu begiak” saiakeran oinarri hartuta, Gutun Zuria Bilbaok etengabe itzultzen eta lekualdatzen ari den mundu bat izango du ardatz aurten: esperientziak, kulturak, lurralde artistikoak, generoak, lengoaiak eta hizkuntzak, identitateak, gorputzak itzultzen ari dena. Itzulpena hartuta ez soilik literatura-fenomeno gisa, baizik eta munduan egoteko modu gisa. Gutun Zuria Bilbao, irudi grafikoak erakusten duen bezala, mingain zuri bat da —esperimentatzeko, entseatzeko eta jolasteko zirriborro bat—, eta mugitzen ari den hizkuntza bat, etengabe eraldatzen ari dena. Eta, era berean, harresiak eraisteko eta pentsamenduak, gogoetak eta ezagutzak jariatzen uzteko leku bat da, Azkuna Zentroak ekoitzitako “Transferencia” (“Transferentzia”) pieza bisualean Alicia Martín artistak islatu duen bezala. Pieza Zentroko eta hiriko hainbat tokitan erakutsiko da Jaialdian zehar.

Informazio gehiago